| Námsrká Elsta stigs |
 |
 |
 |
| Miðvikudagur, 21 október 2009 13:23 | ||||
Íslenska Kennari Sólrún Friðriksdóttir Í 8.-10. bekk er leitast við að vinna með alla þætti móðurmálsins þannig að hver þáttur styðji annan og þeir myndi saman eina heild. Mismunandi þættir móðurmálsins eru kenndir í tengslum hver við annan eftir því sem aðstæður og námsefni gefa tækifæri til. Á þessu stigi eru gerðar auknar kröfur um skilning nemenda á grunnhugtökum málfræði og bókmennta, án þess þó að hugtakanámið sé markmið í sjálfu sér. Mikilvægt er að nemendur fái að njóta tungumálsins í öllum sínum myndum, hlýði á upplestur og söng, sjái leiksýningar og kvikmyndir og taki þátt í að flytja menningartengt efni. Markvisst er unnið að ritun og stafsetningu og tölvutæknin nýtt til þjálfunar og bæði til upplýsingaöflunar og miðlunar. Lögð er áhersla á innihaldsrík viðfangsefni sem tengjast hvers konar textum, málnotkun fjölmiðla og málefnum líðandi stundar. Við lok 10. bekkjar: Lestur
Talað mál og hlustun
Hlustun og áhorf:
Ritun:
Bókmenntir:
Málfræði:
Kennsluaðferðir:
Námsefni vetrarins Mályrkja 1 og 2 ásamt vinnubókum, Fallorð, Sagnorð, Smáorð, Kennslubók í málvísi og ljóðlist, Hrafnkelssaga, Ljóðspor, Englar alheimsins. Íslenskuvefurinn Málbjörg, Skólavefurinn og Nams.is. Námsmat: Áhugi og virkni í tímum, skil á heimaverkefnum, skyndipróf, miðsvetrar-og vorpróf. Sjálfsmat. Stærðfræði Jónas E. Ólafsson Markmið Sjá aðalnámskrá grunnskóla fyrir stærðfræði Þegar nálgast lok skyldunáms verður krafan um góða þekkingu og skilning á helstu þáttum stærðfræðinnar áþreifanlegri en á yngri stigum. Þá er ætlast til þess að nemendur þekki vel til helstu hugtaka og aðferða, reiknings, algebru, rúmfræði, tölfræði og líkindafræði. Einnig ættu þeir að hafa öðlast sjálfstraust til að leita lausna ýmissa viðfangsefna og færni til að tjá sig munnlega og skriflega um niðurstöður. Drjúgur hópur nemenda ætti að hafa náð valdi á undirstöðuatriðum algebru. Mikilvægt er að nemendur nái góðum tökum á að leysa jöfnur og átta sig á röksamhengi í því ferli. Gert er ráð fyrir að nemendur hafi gott vald á metrakerfinu og mælingum, geti reiknað ummál og flatarmál algengra flatarmynda og rúmmál og yfirborð einfaldra þrívíðra hluta. Tengsl stærðfræðinnar við daglegt líf er mikilvægt og því þarf að tengja stærðfræðinámið verkefnum sem nemendur þekkja til. Markmiðið með þessu er að nemandinn öðlist sjálfstraust til að beita stærðfræðinni af öryggi í daglegu lífi og geri sér grein fyrir að góð stærðfræðikunnátta er mikilvægur þáttur í almennri lífsleikni. Námsefni Almenn stærðfræði I, II og III. Átta-tíu bækurnar (að hluta), önnur verkefni frá kennara, rasmus.is og fleiri vefverkefni. Námsmat Fylgst er reglulega með kunnáttu nemenda með könnunarverkefnum og heimaverkefnum. Miðsvetrarpróf og vorpróf Enska Kennari Björgvin Valur Guðmundsson Á upplýsingaöld er kunnátta í ensku orðin nauðsynleg í daglegu lífi. Við þurfum að geta átt samskipti við fólk erlendis, nýtt okkur upplýsingar á tölvutæku formi og notað tungumálið til gagns og ánægju. Þess vegna leggjum við mikla áherslu á talað mál alveg frá 5. bekk. Námsefni Matrix Pre-Intermediate og efni af netinu, aðallega Skólavefnum Við lok 10. bekkjar: Talað mál:
Hlustun:
Lestur:
Ritun:
Sjá aðalnámskrá grunnskóla fyrir erlend tungumál Danska Kennari: Sólrún Friðriksdóttir Danska er annað erlenda málið sem nemendur læra í grunnskóla. Með námi í dönsku er stuðlað að því að viðhalda og efla tengsl við Norðurlönd. Danska er kennd vegna samskipta og menningartengsla norrænna þjóða og einnig sækir stór hópur Íslendinga nám og störf á Norðurlöndum. Danska og íslenska eru náskyld tungumál og auðveldar það Íslendingum dönskunámið. Segja má að dönskukunnátta sé lykill að Norðurlöndum og nýtist því einnig til að eiga samskipti við þá sem tala norsku og sænsku. Námsmarkmið: Nemendur þurfa að fá tækifæri til að hlusta á dönsku eins oft og kostur er. Nauðsynlegt er að nemendur fái æfingu í að tala málið með notkun talæfinga. Megintilgangur lestrar er að auka við orðaforða og áhersla lögð á fjölbreytta lestrartexta. Ritun er ætlað að festa þann orðaforða sem tengist viðfangsefnum. Við lok 10. bekkjar: Hlustun:
Lestur:
Talað mál:
Ritun:
Aðferðir til að ná þessum markmiðum eru lestur frjálslestrarbóka, málfræðivinna, samtalsæfingar, áhorf myndbanda og ýmiskonar hlustun, samræður um daglegt líf í Danmörku, tölvunotkun, bæði kennsluforrit og bréfasendingar. Áfangamarkmið
Námsefni: Tænk og Dejlige Danmark. Báðum bókunum fylgja vinnubækur og hlustunarefni. Ýmsir námsvefir s.s. Skólavefurinn, nams.is, Danske diamanter og fl. Ennfremur horft á danskar kvikmyndir og unnin verkefni í tengslum við þær. Námsmat: Áhugi og virkni í tímum, skil á heimaverkefnum, skyndipróf, miðsvetrar-og vorpróf. Sjálfsmat. Saga Jónas E. Ólafsson Markmið Sjá aðalnámskrá grunnskóla fyrir samfélagsgreinar Áfangamarkmið í sögu við lok 10. bekkjar Nemandi á að
Námsefni Jón Sigurðsson og hugmyndir 19. aldar, myndbönd, veraldarvefurinn, ljósrit, gagnvirk verkefni o.fl. Námsmat Nemendur vinni bæði hóp- og einstaklingsverkefni úr efni bókarinnar, sem verða metin til einkunnar. Verkefnin verða ýmist unnin í tímum eða heima, einnig munu nemendur lesa heima yfir það efni bókarinnar sem verður tekið fyrir hverju sinni. Powerpoint-kynningar, heimildaritgerð, vefverkefni, próf. Náttúrufræði Kennari: Þóranna Lilja Snorradóttir Markmið: Sjá aðalnámskrá grunnskóla fyrir náttúrufræði og umhverfismennt Á unglingastigi eiga nemendur að öðlast færni og sjálfsöryggi við að leysa fjölbreytt verkefni með eða án ítarlegra leiðbeininga og geta fjallað um sameiginlega þætti í ólíkum námsgreinum, s.s. landafræði, sögu, félagsfræði og náttúrufræði. Mikilvægt er að nemendur öðlist vilja til að leita eftir og deila upplýsingum og skýringum með öðrum. Þannig átta þeir sig frekar á að útskýringar eru aldrei endanlegar og ekki er hægt að sanna þær svo að óyggjandi sé. Þeir þurfa að gera sér grein fyrir hlutverki líkinga í vísindalegum skýringum, geta útskýrt með dæmum hvernig þekking á náttúrunni hefur þróast og geta fjallað um gagnkvæm áhrif tækni og vísindalegra framfara, t.d. með tilkomu smásjárinnar og sjónaukans, eða uppgötvun röntgengeisla og hagnýtingu þeirra. Námsefni: Orka og Kraftur og hreyfing ásamt bókinni Efnisheimurinn. Eftir áramót verður svo farið í bókina Lifandi veröld. Námsmat: Verkefni, upprifjanir og Kaflapróf ásamt sjálfsmati. Lífsleikni Kennari Sólrún Friðriksdóttir Námsgreinin lífsleikni á að stuðla að því að byggja upp alhliða þroska nemandans til þess að hann geti betur tekist á við kröfur og áskoranir daglegs lífs. Það felur m.a. í sér að nemandinn geri sér far um að rækta með sér andleg verðmæti, líkamlegt heilbrigði og sálrænan styrk. Hann efli félagsþroska sinn, siðvit og virðingu fyrir sjálfum sér og öðrum. Hér er kalli nútímans svarað um að búa nemandann betur undir það að takast á við lífið í samvinnu við foreldra. Til þess þarf hann að vinna með sjálfan sig, bera virðingu fyrir sjálfum sér og þekkja sterkar og veikar hliðar sínar. Fengist er við þætti sem tengjast því að vera þátttakandi í lýðræðislegu þjóðfélagi, tilheyra fjölskyldu, eiga vini og félaga, vinna með öðrum og setja sig í spor annarra. Námsgreinin gefur einnig tækifæri til að fjalla um mál sem upp kunna að koma hverju sinni og snerta líðan nemenda. Auk þess verði leitast við að styrkja áræði hans, frumkvæði, eðlislæga sköpunargáfu og aðlögunarhæfni til að takast á við kröfur og áskoranir í daglegu lífi. Með lífsleikni sem sérstakri námsgrein er verið að svara kalli nútímans um að búa nemandann betur undir að takast á við lífið. Til þess þarf að veita honum tækifæri til aukinnar sjálfsþekkingar svo hann beri kennsl á sterkar og veikar hliðar sínar og beri virðingu fyrir sjálfum sér Við lok 10. bekkjar:
Sjá aðalnámskrá grunnskóla fyrir lífsleikni Námsmat: Námsmat í lífsleikni verður að byggjast á fjölbreytilegum matsaðferðum Umfjöllunarefni eru oft mjög huglæg og því erfitt að meta þau á hefðbundinn hátt. Mögulegt er þó að meta þekkingaratriði með skriflegum eða munnlegum prófum. Ennfremur verða metin virkni nemenda, samvinna og vihorf þeirra til viðfangsefnanna hverju sinni. Heimilisfræði Kennari Jóhanna Margrét Agnarsdóttir Markmið Lögð er áhersla á að veita þekkingu og leikni í heimilisstörfum og auðvelda skipulagningu, samvinnu og hagsýni. Meðal viðfangsefna má nefna næringarfræði, matvælafræði, neytendafræði, hreinlætisfræði, vinnuskipulag, matreiðslu og bakstur. Námsefni heimilisfræði ll (Námsgagnastofnun), verkefnablöð og fjölritað efni frá kennara. Námsmat Símat í kennslustundum. Íþróttir
Kennari: Þóranna Lilja Snorradóttir/ Jóna Petra Magnúsdóttir Markmið: Sjá aðalnámskrá fyrir íþróttir, líkams- og heilsurækt Nemendur á grunnskólaaldri eru á aldursskeiði sem einkennist af miklum vexti og örum þroska. Framvinda eðlilegs þroska, hvort heldur um er að ræða skyn- og hreyfiþroska, líkams- og fagurþroska eða félags-, tilfinninga og siðgæðisþroska, er að miklu leyti háð hæfilegri áreynslu og samspili markvissra æfinga og leikja. Með kerfisbundinni þjálfun eða útfærslu leikja er hægt að auka starfsemi líkamans og sinna mismunandi þroskaþáttum. Á því aldursskeiði, sem grunnskólinn nær yfir, er t.d. unnt, betur en síðar á ævinni, að auka hæfni hjarta og blóðrásar með markvissri þjálfun. Hið sama á við um atriði sem ná til skyn- og hreyfiþroska. Því er það eitt meginmarkmið skólaíþrótta að örva skyn- og hreyfiþroska hvers nemanda, þrek hans og afkastagetu og stuðla þannig að heilbrigði einstaklingsins. Námsmat: Virkni í tímum, píptest og mánaðarleg þrekpróf. Val: Myndmennt Kennari:Sólrún Friðriksdóttir Sjónræn upplifun er stór þáttur skynjunar og skilnings mannsins á heiminum enda bendir flest til þess að hann hafi allt frá upphafi vega myndgert líf sitt og umhverfi í margvíslegum tilgangi. Myndir hafa sitt eigið tungumál, myndmál, og maðurinn hefur alla tíð notað myndir sem boðtæki þeirra hluta sem ekki er hægt að lýsa á annan hátt. Myndmál miðlar viðhorfum, skoðunum og hugmyndum samfélagsins ekki síður en tungumál. Á þessu stigi er áhersla lögð á sjálfstæða vinnu nemenda á grundvelli fyrra náms. Við lok 10. bekkjar eiga nemendur að geta fylgt hugmynd til endanlegs verks. Þeir eiga að geta nýtt sér í eigin sköpun grunnþætti myndlistar s.s. útfærslu línunnar, lita-og formfræði, myndbyggingu, rými og áferð. Þeir eiga að kunna góð skil á ýmsum tegundum efna og áhalda til myndgerðar. Þeir eiga að geta nýtt sér nútímamiðla s.s. Netið, til að skoða listasöfn og afla sér upplýsinga um myndlist. Eiga að þekkja til helstu stefna og þekkja til fjölbreytni nútímalistar. Sjá nánar aðalnámskrá grunnskóla fyrir listgreinar Námsmat: Öll unnin verkefni metin jafnóðum og metnir þættir s.s. frumleiki, vinnubrögð, framfarir, frumkvæði og viðhorf til námsins. Einnig sjálfsmat. Nemendur fá bæði umsagnir og einkunnir. Val: Vélfræði Kennari Björgvin Valur Guðmundsson Í vélfræði er fjallað um einfaldar vélar og verkfæri, helstu málma og önnur efni sem notuð eru í vélar og hreyfanlega hluti og farið er yfir helstu gerðir véla, uppbyggingu þeirra og notkun. Einnig er farið yfir sögu véla, allt frá tímum Forn-Grikkja til nútímans. Val: Upplýsinga- og tæknimennt Björgvin Valur Guðmundsson Áfangamarkmið Að nemandi komi til með að líta á tölvur sem sjálfsagt hjálpartæki við hvers kyns störf. Nemandi skal venjast því að nota upplýsingatækni til framsetningar á efni, bæði á prentuðu og rafrænu formi.
|
||||
